Gorani: Kosova dhe Serbia janë të interesuara për një konferencë ndërkombëtare

Analisti Dukagjin Gorani, ka thënë se edhe Kosova edhe Serbia janë të interesuar që çështja të zgjidhet përmes një konference ndërkombëtare.

Kështu ka thënë ai pasi ditë më parë kryeministrit i Shqipërisë, Edi Rama, propozoi për Kosovën e Serbinë të organizohet një konferencë ndërkombëtare dhe nga ajo të mos dilet pa marrëveshje.

“Të dy palët në proces si duket janë të interesuara që kjo të kryhet me një ngjarje, një konferencë ndërkombëtare. Unë mendoj që krejt ky eskalim dhe kjo fazë që po ndodhë gjatë krizës në veri, prej azganllëkut dypalësh është t’u i çu krejt drejt një drejtimi dhe një ideje, që Kosovës i vyn një Dejton, që procesi i dialogut duhet të shndërrohet në një konferencë të re, o Vjenë, o Dejton, o Rambuje.” – ka thënë ai në Pressing.