6 orë më parëDalin incizimet ku Trump dëgjohet duke folur për dokumente sekrete të ushtrisë në një klub golfi
Periskopi(3 vite më parë)
(3 vite më parë)Donald Trump është duke u ballafaquar me një proces gjyqësor i cili ka të bëjë me bërjen publike të disa dokumenteve sekrete që atij iu gjendën në resortin e tij “Mar-a-Lago” në Florida. Së fundmi, është shfaqur një incizim që tregon se si Trump ka qenë duke diskutuar rreth njërit prej këtyre dokumenteve në Neë […]
Donald Trump është duke u ballafaquar me një proces gjyqësor i cili ka të bëjë me bërjen publike të disa dokumenteve sekrete që atij iu gjendën në resortin e tij “Mar-a-Lago” në Florida.
Së fundmi, është shfaqur një incizim që tregon se si Trump ka qenë duke diskutuar rreth njërit prej këtyre dokumenteve në Neë Jersey në një klub golfi. Incizimi daton që nga Korriku 2021 dhe shërben si provë që ish presidenti ka qenë në dijeni të procedurave të nevojshme për deklasifikimin e dokumenteve.
Ky regjistrim, i aksesuar nga CNN, përfshin detaje të reja nga një bisedë, e cila shërben si provë e rëndësishme, për të provuar akuzat që rëndojnë mbi Trump për keqpërdorim të dokumenteve të klasifikuara. Kjo bisedë është njëra nga rastet që dëshmon se ai ka ndarë këtë lloj informacioni me persona jo të autorizuar.
Gjatë këtij incizimi, dëgjohet Trump teksa diskuton rreth këtij dokumenti që kishte lidhje me një ofensivë të planifikuar ndaj shtetit të Iranit. Gjithashtu ai dëgjohet teksa e shndërron në temë shakaje edhe një skandal të Hillary Clinton, skandal ky i ngjashëm me akuzat me të cilat vetë Trump po ballafaqohet momentalisht, transmeton Periskopi.
Më herët gjatë këtij muaji, Trump u deklarua si i pafajshëm në akuzat për trajtim jo adekuat të dokumenteve të klasifikuara të cilat ai i mbante në resortin e tij.
