Atiq pas sulmit ndaj ndërtesës së komunës: Akte terroriste që tentojnë të ngjallin frikë, nuk do të ia dalin

Atiq për sulmin ndaj e quan terrorist sulmin me granatë dore ndaj objektit të Komunës

Kryetari i Mitrovicës së Veriut, Erden Atiq ka reaguar pas sulmit  me granatë dore ndaj ndërtesës së komunës.

Atiq e ka cilësuar këtë sulm terrorist

Ai u ka bërë thirrje organeve të rendit që ta trajtojnë me urgjencë këtë rast.

“Sulmi i mbrëmshëm me granatë dore M75 në objektin e komunës sonë është padyshim sulm i organizuar terrorist. Këto akte kriminale e terroriste që tentojnë të ngjallin frikë nuk do të ia dalin. Institucionet do të funksionojnë pavarësisht sulmeve e kërcënimeve të tilla”, ka shkruar Atiq.

“Në anën tjetër, unë i bëj thirrje organeve të rendit dhe të drejtësisë që ta trajtojnë me urgjencë rastin dhe kryesit e këtij sulmi të vihen sa më parë para drejtësisë”, ka shkruar Atiq në një postim në Facebook.