Asistenti i Gërvallës s’tregon se çka hëngrën për drekë ministrat, por tregon se pse e fshehu ushqimin me fotoshop

Një fotografi e publikuar  në “Instastory”, nga asisteti i kryediplomates së Kosovës, Donika Gërvalla ngjalli shumë reagime.

Në fotografi ishin ministrja e Punëve të Jashtme Donika Gërvalla dhe ministri i Bujqësisë Faton Peci, të cilët ishin duke drekuar në një restorant në Gjilan.Reagimi erdhi jo pse të dy ministrat po drekonin bashkë, por se asistenti i ministres Haki Huruglica e fshehu ushqimin me fotoshop.

Periskopi e ka kontaktuar asistetin e ministers Gërvalla të cilin e ka pyetur se cila ishte aryseja e fshehjes së ushqimit me fotoshop. Haki Huruglica i tha Periskopit se nuk është në natyrën e tij që të postoj ushqime as nga jeta private e tij.

“Nuk e qes ushqimin as në storiet private, jo që ka pasë diçka të veçantë por thjeshtë nuk i qes”, tha ai.

Huruglica ka theksuar se pagesa e asaj dreke është bërë me paratë personale të të pranishmeve dhe jo me paratë e shtetit.

“Kryesorja është se ajo drekë është pagu me pare personale e jo me pare të shtetit”, tha ai.

Hurgulica ka refuzuar të tregojë se çka hëngrën për drekë të dy ministrat e kabinetit qeveritar. /Periskopi/