Alarmon Abdixhku: Kosova është duke humbur ndërkombëtarisht, kauza e Serbisë për autonomi territoriale po merr formë

Kryetari i LDK-së Lumir Abdixhiku ka thënë se Kosova nuk ka i ka pasur kurrë më keq punët ndeërkombëtarisht.

Abdixhiku ka alarmuar në Facebook, se në këtë situatë është Serbia ajo që është duke dalë fituese dhe se “kauza e tyre e autonomosë territorial në Kosovë po merr formë”.

Abdixhiku ka thënë se në ditët në vijim do të ftojë akterë të shoqëisë civile, akademisë, sektorit privat, mediave, e partive politike për siç ka thënë ai për të ndërtuar rrugën e drejt.

Postimi i plotë i Abdixhikut në Facebook

Albin Kurti nuk e bën dot Kosovën shtet evropian. Ai, grupi i tij ideologjik nga Tirana, analistët e paguar e mediat e pushtetit janë në misionin e tyre ultim të përplasjes përfundimtare të shtetit. Në sinkron, i pari na dërgon drejt përplasjes, të dytit e bëjnë këtë çmenduri të duket bukur.

E vërteta është e trishtë.

Kosova nuk ka qenë kurrë më keq ndërkombëtarisht se sa sot. Serbia nuk kanë pasur kurrë më shumë përkrahje ndërkombëtare se sa sot. Ata po fitojnë. Ne po humbasim. Kauza e tyre e autonomisë territoriale në Kosovë po merr formë teksa ne mjaftohemi me të drejtën tonë në përballje me gjithë botën.

Kosova ka një rrugë të re. Një që e dërgon shoqërinë tonë, gjeneratat e tashme e të ardhme drejt familjes euroatlantike. Një që fiton përballë Serbisë brenda e ndërkombëtarisht pa dallim. Kjo rrugë nuk ka Albin Kurtin në të. Këtë rrugë duhet ta bëjmë ne.

Për këtë rrugë na duhet ndihma e të gjithëve. E atyre që besojnë në Republikën, në rrugëtimin euroatlantik e në fundamentet bazike të kësaj shoqërie.

Prandaj, gjatë ditëve në vijim, do të ftoj akterë të shoqërisë civile, akademisë, sektorit privat, mërgatës, mediave e opinionistëve, partive politike, shqiptarëve në rajon e miqve të Kosovës nëpër botë për të ndërtuar rrugën e vërtetë. Do t’u prezantojë dhe planin e LDK-së për kapërcimin e izolimit e krizës. Në këto takime do të kërkoj mbështetje për ndërtimin e masës kritike e zërit alternativ që bota perëndimore duhet ta dëgjojë nga ne tani. Vendi ynë ka një të ardhme ndryshe nga çfarë na projektohet sot.

Kosova mundet më mirë.

Kosova meriton më shumë.