“Trepça” keqpërdori praktikantët, s’iu dha paga për tre muaj rresht

Kryetari i Sindikatës të Sektorit Privat të Kosovës, Jusuf Azemi, ka njoftuar se Trepça Sh.A ua ka bërë pagesën e dy muajve praktikantëve në këtë kompani, por se “ende ka obligime ndaj tyre”.

“Pas denoncimit të Federatës son sindikale ndaj Kompanisë Trepça Sh.A për mospagesën e pagave qe 3 muaj punëtorëve praktikantē ,sotë kjo kompani pa u bër 24 orë u bëri pagesën këtyre punëtorëve për dy muaj, por kompania ka ende obligime ndaj këtyre punëtorëve dhe ajo duhet ti pērmbush zotimet e veta sipas konkursit.”, ka shkruar Azemi në Facebook.

Kjo vjen një ditë pas denoncimit të Azemit ndaj ndërmarrjes Trepça për keqpërdorimin e praktikantëve.

Siç njofton kryesindikalisti, keqpërdorimin e kanë bërë të ditur një grup i praktikantëve të cilët kanë thënë se kompania, siç edhe e ka vendosur, është e detyruar të ofrojë ushqim, transport dhe uniformën falas për praktikantët.

“Një grup praktikantēsh më njoftojnë se me datē 20.05.2022 Trepça SH.A ka hapur konkurs për 180 pozita të lira për praktikant.”, ka shkruar Azemi një ditë më parë.

“Në bazë të vendimit të nxjerrē nga Trepça SH.A kjo kompani është e detyruar që për të gjithë praktikantët të ofroi ushqim, transport,dhe uniformen falas .Sipas punëtorēve grupi I parë deri dikun I ka pasur këto kushte , kurse grupi prej 120 jo,nuk kan transport,nuk kan ushqim ,kan hyr në muajin e tretē pa ua bër pagesën prej 100 eu ne muaj .”, shtoi ai.