6 orë më parëSindikatat bëjnë thirrje për respektim të të drejtave të punëtorëve
Periskopi(3 vite më parë)
(3 vite më parë)Sektori i ndërtimtarisë në vend, mbetet më i rrezikshmi, përderisa inspektimi i të gjitha vend-punishteve, është i pamundur për shkak të numrit të kufizuar të inspektorëve të punës. Vetëm në dy mujorin e parë të këtij viti, kanë humbur jetën 2 persona në vendin e punës, përderisa janë shënuar 51 aksidente. Sindikatat që mbrojnë të […]
Vetëm në dy mujorin e parë të këtij viti, kanë humbur jetën 2 persona në vendin e punës, përderisa janë shënuar 51 aksidente. Sindikatat që mbrojnë të drejtat e punëtorëve, bëjnë thirrje për respektim të të drejtave të punëtorëve dhe ofrim të sigurisë së punë.
Kushtet jo të mira dhe siguria e pamjaftueshme në punë, vazhdojnë të jenë shkaktarët që personat humbin jetën apo edhe pësojnë lëndime në vendin e punës. Duke folur për Radio Kosovën, kryeinspektori i Inspektoratit të Punës, Hekuran Nikçi, thotë se vetëm në dymujorin e parë të këtij viti, 2 persona kanë humbur jetën në vendin e punës.
“Numri i aksidenteve në dy mujorin e parë të vitit 2023 në tërësi është 51 aksidente, prej tyre 2 kanë përfunduar me vdekje dhe 49 me lëndime. Në vitin 2022, në dy mujorin e parë kanë ndodhur 40 aksidente në punë. Nga këto aksidente nuk ka pasur asnjë vdekje, të gjitha kanë përfunduar me lëndime. Ndryshimi i numrit të aksidenteve në këta dy muaj dhe vitit paraprak është se tani kemi 11 aksidente më shumë. Pra, kemi rritje të numrit”, ka thënë Nikçi.
Kryetari i Sindikatës së Sektorit Privat, Jusuf Azemi, duke folur për Radio Kosovën, tha se vdekjet në vendin e punës janë shqetësuese, përderisa tha se vazhdimisht kanë ngritur zërin për një fond të veçantë për këto raste.
“Është një sfidë shumë e madhe për ne si sindikatë. Më e rënda është se ne disa herë kemi ngritur zërin që të kemi një fond të veçantë për këto raste, ka shumë raste kur punëtori vdes në vendin e punës, dhe e kanë problem çështjen e ceremonisë ashtu siç i ka hije një personi, por qeveritë tona, deri më tash nuk kanë ndarë asnjë metalik për këtë fond”, ka thënë Azemi.
Ndërkohë, Atdhe Hykolli, nga BSPK-ja, thotë për Radio Kosovën se punëtorët në sektorin e ndërtimtarisë, janë më të rrezikuarit.
“Kemi sektorin e ndërtimtarisë ku ka numër të madh të vdekjeve në venin e punës. Ky është një shqetësim i madh i BSPK-së, gjithmonë e kemi potencuar këtë dhe kemi kërkuar nga Inspektorati i Punës gjoba për ata që nuk ofrojnë siguri për punëtorët në vendin e punës, këta të gjobiten por edhe të dënohen me burg nëse është dëmi i madh, dhe në këtë mënyrë të edukohen punëdhënësit”, ka thënë Hykolli.
Sindikalistët vlerësojnë se duhet të ketë më shumë inspektorë dhe kontrolle në vende të punës. Lëndime e vdekje kishte ndër vite, përderisa nga Inspektorati i Punës, bëhet e ditur se gjatë vitit 2022, numri i aksidenteve në vendin e punës ka qenë 394. Nga këto aksidente, gjatë vitit të kaluar 15 kanë përfunduar me fatalitet.
