Qeveria: Nuk jemi në dijeni për ndonjë draft-statut të shkruar nga SHBA dhe BE

Por, zëdhënësi i Qeverisë së Kosovës, Përparim Kryeziu tha se nuk janë në dijeni nëse ka një draft të tillë.

“Unë nuk kam dijeni për drafte të tillë, por edhe një herë po them, Kosova është palë në këtë proces, përveç se e barabartë edhe aktive duke e dhënë kontributin në çdo takim, përmes propozimeve të saj, të cilat asnjëherë nuk kanë munguar dhe do të vazhdojë të jetë e tillë”, tha ai.

Kryeziu theksoi se është e rëndësishme që në këtë kohë të diskutohet për vizionin e paraqitur nga kryeministri i Kosovë, Albin Kurti gjatë takimit në Bruskel.

“E rëndësishme për momentin është që të diskutohet se më shumë vizioni i kryeministrit Kurti. Pra të diskutohet në publik, të trajtohet, mbase edhe të kritikohet. Por, gjithmonë duhet të marrë parasysh se ai është ndërtuar brenda shtyllave të cilat ruajnë kushtetutshmërinë, pra duke respektuar Kushtetutën dhe vendimin e Gjykatës Kushtetuese, trashëgimin e procesit duke ju referuar letrës së Mogherinit dhe përfshirjen e SHBA-së duke marrë përbazë qëndrimin e tyre të artikuluar së fundi”, u shpreh Kryeziu, në Tëvë1 .

Ndryshe pas takimin me presidentin serb, Aleksandar Vuçiq, kryeministri i Kosovës, Albin Kurti ka thënë se edhe ai e ka propozuar një ‘draft-vizion’ për të cilin thotë se beson që do të trajtohet me seriozitet nga ndërmjetësit.

Dokumenti i referohet pikës së 7 të marrëveshjes së Ohrit, dhe nis me atë që duhet të jetë në përputhje me Kushtetutën e Kosovës.

“Zbatimi i Nenit 7 të Marrëveshjes Themelore, në lidhje me Nenin 10, duhet të jetë në përputhje me Kushtetutën e Republikës së Kosovës (dhe vendimin shoqërues të Gjykatës Kushtetuese të datës 23 dhjetor 2015), Letër-Garancionin e ish-Përfaqësueses së Lartë Mogherini drejtuar kryeministrit të Kosovës (datë 24 gusht 2015) dhe qëndrimin e Qeverisë së Shteteve të Bashkuara (Chollet/ Deklarata e Escobar, e datës 30 janar 2023). Për të përmbushur këtë ambicie, një projekt-statut duhet të jetë në gjendje të përmbushë, ndër të tjera, kriteret kumulative të mëposhtme, përkatësisht të përfshijë këto elemente.  Ai do të burojë nga autorizimet e konventave të Këshillit të Evropës, përkatësisht Konventa Kornizë”, ka thënë Kurti.

Për këtë dokument, Kurti ka thënë se e ka marrë shembull modelin e marrëveshjes Serbi-Kroaci. Sipas kryeministrit ky dokument është vleror, duke iu referuar koncepteve universale për të drejtat dhe liritë e njeriut.