2 orë më parëPse hajdutët nuk i vjedhin veturat elektrike
Periskopi(3 vite më parë)
(3 vite më parë)Asnjë vend tjetër në Evropë nuk ka aq shumë vetura elektrike të shtrenjta në rrugë sa Norvegjia. Megjithatë, vidhen shumë pak, sikur grupet kriminale nuk janë të interesuara për to. Për shumë vite, numri i vjedhjeve të veturave në Norvegji ka ardhur duke rënë ngadalë, por me siguri. Në vitin 2022, nga ana tjetër, vjedhjet […]
Më shumë se 2.400 vetura u raportuan të vjedhura te kompanitë e sigurimeve, krahasuar me 1.800 në vitin 2021, sipas të dhënave nga “Finans Norge”.
Një pjesë e shpjegimit ishte se kufijtë e Norvegjisë ishin nën mbikëqyrje të rreptë për shkak të COVID-19 në vitin 2021, e cila krijoi kushte të vështira pune për bandat ndërkombëtare pas shumë vjedhjeve të veturave.
Vitin e kaluar kufijtë u hapën dhe hajdutët u kthyen, shkruan “Dagbladet”.
Në Suedinë fqinje, problemi i vjedhjes së veturave dhe pjesëve të veturave është shumë më i madh se në Norvegji. Vitin e kaluar janë vjedhur 50 për qind më shumë vetura në krahasim me vitin 2021, ndërsa 1500 vetura të vjedhura nuk janë kthyer më.
Në raportin vjetor të vjedhjeve të kompanisë nordike të sigurimeve, “Ifa”, thuhet se Suedia, për shkak të afërsisë me Evropën Lindore, është një objektiv i hapur për kriminelët ndërkombëtarë. Megjithatë, ekziston një lloj veture që bandat kriminale nuk e vjedhin, dhe është ajo elektrike.
“Edhe pse numri i veturave elektrike është në rritje, vjedhja e këtyre veturave është e rrallë. Një shpjegim i mundshëm është se teknologjia moderne dhe infrastruktura e karikimit që nevojitet për funksionimin e këtyre veturave nuk ekziston në vendet ku shpesh përfundojnë veturat e vjedhura”, ka thënë Anne Hassell nga kompania “Ifa”.
Veturat moderne elektrike janë më të vështira për t’u vjedhur, pasi shumë prej tyre kanë sisteme elektronike të avancuara. Gjithashtu, shpesh është e mundur gjurmimi i tyre përmes GPS-it.
