“Nuk e kam menduar se vjen kjo ditë…”: Vdekja tragjike e motoçiklistit gjakovar, sot i jepet lamtumira e fundit

Musë Preqi, vdiq dje në magjistralen Gjakovë-Prizren pasi dyshohet se shkaktoi aksidentin teksa ishte në lëvizje me motoçikletë, raporton Sinjali.Familja dhe miqtë e të ndjerit kanë njoftuar për vdekjen e tij, teksa kanë bërë me dije se sot i jepet lamtumira e fundit, në fshatin Fshaj.

Vëllai i 33-vjeçarit ka bërë edhe një postim prekës, ku ka shprehur pikëllimin për lajmin e hidhur që mori familja e tyre.

“Vëllai im, nuk mund të besoj se nuk je më këtu. Unë ulem dhe qaj sepse ti nuk je më këtu. Asnjëherë nuk kam menduar se kjo ditë do të vinte dhe se do t’na godiste kaq shumë. Vëllai im, unë do të mbroj ty dhe nderin tonë deri ne frymën time të fundit. Të dua vëllai im dhe nuk do të të harroj kurrë.Nuk e kuptoj përse shkove por do të të kujtoj dhe do të të mbaj në zemer gjithmonë”, ka shkruar vëllai i tij.