5 orë më parëKëshilltari i Konjufcës rrahu gruan me dru, nga kabineti i kryekuvendarit tregojnë nëse ai do të shkarkohet
Periskopi(3 vite më parë)
(3 vite më parë)Më 22 nëntor të vitit 2018 Gjykata Themelore në Pejë kishte vendosur që Drilon Gashit, aktualisht këshilltar i kryeparlametarit, Glauk Konjufca, t’i shqiptohej “Vërejtje Gjyqësore” për shkak se i kishte ushtruar dhunë fizike bashkëshortes së tij. Sipas aktgjykimit që e ka siguruar Peja në Fokus, pas një mosmarrëveshjeje për çështje familjare, ai kishte ushtruar dhunë […]
Sipas aktgjykimit që e ka siguruar Peja në Fokus, pas një mosmarrëveshjeje për çështje familjare, ai kishte ushtruar dhunë fizike ndaj gruas duke e goditur me grusht dhe më dru, të cilës i ka shkaktuar lëndime trupore.
Për këtë veprim ishte iniciuar rast për veprën penale: Lëndim i lehtë trupor.
Gjykata Themelore në Pejë, konform kishte shqiptuar “Vërejtje Gjyqësore”, me të cilën Gashit i bëhet me dije se ka kryer vepër të dëmshme dhe të rrezikshme, që përbën vepër penale për të cilën nëse ai sërish e përsëritë, gjykata do t’i shqiptojë sanksione më të rëndë penale.
Arsyetimi për lehtësim të dënimit kishte ardhur pasi ish imami-Gashi, kishte pranuar fajësinë, duke manifestuar keqardhje për atë që i ka ndodhur.
“Në shqyrtimin fillestar i pandehuri- pasi që paraprakisht i është lexuar aktakuza, është njoftuar me të drejtat dhe detyrimet procedurale, dhe pasojat e pranimit, përkatësisht mos pranimit të fajësisë. Drilon Gashi ka pranuar fajësinë dhe ka manifestuar keqardhje për atë se çfarë ka ndodhur. Këtë pranim të fajësisë, gjyqtari pasi që paraprakisht ka e ka marrë pëlqimin nga pakurori i shtetit dhe të dëmtuarës, i bindur se pranim-fajësinë i pandehuri e ka bërë ashtu siç e parasheh ligji – vullnetarisht pa u ndikuar nga askush dhe në asnjë mënyrë, e ka pranuar”, thuhet në vendim.
Po ashtu sipas gjykatës, masa lehtësuese është marrë për shkak i pandehuri Gashi është pajtuar me gruan ( të dëmtuarën) dhe tani më kanë raporte të mira, si aspekti I gjendjes së rëndë ekonomike, “është mbajtës i vetëm i familjes pesë anëtarësh”.
Ndryshe, katër vite më parë Bashkësia Islame e Kosovës, kishte shkarkuar Drilon Gashin nga puna si imam i xhamisë Nur në Vitomericë të Pejës. Ndër arsyet ishte konsideruar edhe kontraversiteti gjuhësor që nuk përkon me Islamin.
Ani pse vendimi ndaj Gashit ishte i formës së prerë, ai më më 29 qershor të 2021-tës, ishte emëruar nga Glauk Konjufca si Këshilltarë në Kabinetin e Kryetarit të Kuvendit.
I pyetur nga Insajderi, Ilir Kërqeli Shefi i Stafit të Kryetarit, tha:“Deri tani është pjesë e stafit, tash e tutje do të shohim si do të veprojmë. Për rastin në fjalë nuk kemi qenë të informuar nga Driloni”, ka thënë ai për Insajderi.
