7 orë më parëI dyshuari për masakrën në Serbi e pranon veprën, i caktohet paraburgimi
Periskopi(3 vite më parë)
(3 vite më parë)I dyshuari për vrasjen masive në rrethinën e Mladenovcit dhe Smederevës në Serbi, e ka pranuar kryerjen e veprave penale, duke thënë ndër të tjera se ka qëlluar disa persona në grup, të cilët nuk i njihte, duke përdorur automatik dhe pistoletë në tre lokacione, në territorin e Smederevës dhe Mlladenovci, gjegjësisht në Mali Orashje […]
Prokuroria ka propozuar që të dyshuarit t’i caktohet paraburgim për të gjitha shkaqet ligjore, ndërsa gjyqtari i procedurës paraprake të Gjykatës së Lartë në Smederevë e ka pranuar propozimin dhe e ka caktuar masën e paraburgimit, raporton Klankosova.tv.
Sipas njoftimit, i dyshuari U.B. akuzohet se ka vrarë tetë persona me armë automatike dhe ka tentuar të vrasë gjithsej 12 persona të tjerë në orët e vona të mbrëmjes së 4 majit në territorin e Smederevës dhe Mlladenovcit.
Sipas raportimeve, gjatë bastisjes së të dyshuarit dhe hapësirës që ka përdorur, është gjetur një sasi e madhe armësh dhe municioni.
Prokuroria gjithashtu thekson se i dyshuari, pas kryerjes së veprës, e ka detyruar nën kërcënim të armës një taksist që ta çojë në një fshat në territorin e komunës së Kragujevcit, ku i dyshuari është gjetur në orët e mëngjesit të 5 majit në një objekt në pronësi të dajës së tij.
