8 orë më parëATK grumbullon mbi 47 milionë euro më shumë se në vitin e kaluar
Periskopi(3 vite më parë)
(3 vite më parë)Administrata Tatimore e Kosovës (ATK) ka arritur të mbledh të hyra 47.7 milionë euro apo 17.7 % më shumë se në periudhën e njëjtë të vitit paraprak, dhe kjo për periudhën raportuese janar-prill të këtij viti. ATK-ja ka njoftuar se rritja e këtyre statistikave siguron arkën e shtetit që janë inkasuar në total 317.1 milionë […]
ATK-ja ka njoftuar se rritja e këtyre statistikave siguron arkën e shtetit që janë inkasuar në total 317.1 milionë euro tatime, dhe 83.6 milionë euro kontribute pensionale, që në total tatime+kontribute janë 400.7 milionë euro.
“Vazhdimi i performancës së mirë të mbledhjes së të hyrave tatimore është rezultat i përkushtimit maksimal të të gjithë stafit të ATK-së, si dhe trajtimi specifik i sektorëve të cilët sipas parametrave dhe analizave të ATK-së shkaktojnë mos përmbushje tatimore”, thuhet në njoftim.
Në mënyrë që të ketë zbatim të drejtë dhe të barabartë të Legjislacionit Tatimor, ATK fton të gjithë qytetarët dhe tatimpaguesit që t’i raportojnë rastet e evazionit fiskal.
