2 orë më parëAktakuzë ndaj Agron Mustafës, ish Kryeshefit Ekzekutiv të PTK-së
Periskopi(3 vite më parë)
(3 vite më parë)Prokuroria Themelore në Prishtinë njofton se pas zhvillimit të hetimeve, mbledhjes dhe analizimit të provave, më 3 maj 2023, ka ngritur aktakuzë ndaj të pandehurit A.M. Merret vesh se A.M është Agron Mustafa, për kohën kur ishte Kryeshef Ekzekutiv i telekomit të Kosovës. Prokuroria deklaron se A.M dyshohet për shkak të veprës penale “Lidhja e […]
Prokuroria Themelore në Prishtinë njofton se pas zhvillimit të hetimeve, mbledhjes dhe analizimit të provave, më 3 maj 2023, ka ngritur aktakuzë ndaj të pandehurit A.M.
Merret vesh se A.M është Agron Mustafa, për kohën kur ishte Kryeshef Ekzekutiv i telekomit të Kosovës.
Prokuroria deklaron se A.M dyshohet për shkak të veprës penale “Lidhja e kontratës së dëmshme”.
Sipas aktakuzës, i pandehuri, në cilësinë e Kryeshefit Ekzekutiv të Telekomit të Kosovës, më 16 mars 2015, e në vazhdimësi me dije, ka vepruar në dëm të PTK-së.
Prokuroria pretendon se i njëjti, përmes lidhjes së anekseve, marrëveshjeve duke ndryshuar kushtet e kontratës në disfavor të ndërmarrjes që ka përfaqësuar, në vend që t’i mbrojë interesat e saj, i njëjti me dashje i ka shkaktuar dëm në shkallë të madhe Telekomit të Kosovës.
“…Dhe atë në vlerë prej 6 milionë e 796 mijë e 732 euro”, njofton prokuroria. “Me këtë i pandehuri ka kryer veprën penale të lartcekur”.
Prokurori i Shtetit, me rastin e ngritjes së aktakuzës i ka propozuar Gjykatës që i pandehuri të shpallet fajtor dhe të dënohet sipas ligjit për veprën penale e cila i vihet në barrë.
