2 orë më parëVazhdon dëshminë dëshmitarja Sandra Mitchell: Pyetet për strukturën organizative të UÇK-së
Periskopi(2 vite më parë)
(2 vite më parë)Në Dhomat e Specializuara të Kosovës (DhSK) në Hagë, edhe të enjten po e vazhdon dëshminë dëshmitarja 38-të e Zyrës së Prokurorit të Specializuar (ZPS), Sandra Mitchell, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit. Mitchell është ish-zyrtare e OSBE-së në Kosovë, ndërsa kundërpyetjet për atë po i vazhdon mbrojtja e […]
Mitchell është ish-zyrtare e OSBE-së në Kosovë, ndërsa kundërpyetjet për atë po i vazhdon mbrojtja e Hashim Thaçit, përmes avokatit Gregory Keohe, i cili u fokusua tek struktura organizative e UÇK-së, raporton “Betimi për Drejtësi”.
Mithcell pranoi se Ushtria Çlirimtare e Kosovës nuk ishte e unifikuar nga niveli qendror i saj.
Keohe, citoi deklarata që Mitchell i kishte dhënë në gjykimin e Millutineviqit. Duke iu referuar këtyre deklaratave, Mitchell pohoi se struktura komanduese e UÇK-së ndryshonte shumë nga ajo serbe.
Në bazë të kësaj, ajo pranoi se struktura e UÇK-së ishte horizontale, ndërsa struktura komanduese e UÇK-së shkonin vertikalisht pra me komandim efektiv.
Po ashtu, për komandantët e zonave të UÇK-së , Mitchell pohoi se ishin më shumë komandantë të niveleve lokale dhe as koordinimi nuk ishte saktësisht i nivelit horizontal.
Keohe i prezantoi dëshmitares edhe një akt-ekspertizë të një analisti ushtarak të Prokurorisë në TPNJ, në çështjen gjyqësore ndaj Sllobodan Millosheviqit, për të cilin Mitchell tha se nuk e ka parë ndonjëherë.
Po ashtu, tha se nuk kishte njohuri as për një urdhër që iu prezantua nga Keohe, të autoriteteve serbe për të ndërlidhur pika të radios në shtëpi të civilëve. Pra, sipas Keohes, ky urdhër ishte edhe për të armatosur popullatën civile, për të cilin Mitchell tha se nuk di asgjë.
