4 orë më parëRama: Jo veç për Veriun, edhe për Lazaratin kam thënë se është bërë ‘tokë e askujt’
Periskopi(2 vite më parë)
(2 vite më parë)Kryeministri i Shqipërisë, Edi Rama tha se s’ka thënë asnjëherë se veriu i Kosovës është tokë e huaj. “E para njëherë, këto citimet kështu… tani je komplet e pasaktë sepse nuk kam thënë asnjëherë që është tokë e huaj, s’e kam thënë ndonjëherë”, tha Rama. Ju paskam lexuar dhe dëgjuar gabim atëherë”, i tha gazetarja […]
Kryeministri i Shqipërisë, Edi Rama tha se s’ka thënë asnjëherë se veriu i Kosovës është tokë e huaj.
“E para njëherë, këto citimet kështu… tani je komplet e pasaktë sepse nuk kam thënë asnjëherë që është tokë e huaj, s’e kam thënë ndonjëherë”, tha Rama.
Ju paskam lexuar dhe dëgjuar gabim atëherë”, i tha gazetarja Alba Alishani që e intervistoi në A2CNN.
“Totalisht. Nuk është e para me sa po shoh, kështu që nuk çuditem… Nuk jam këtu për të korrigjuar çdo citim… Në qoftë se jeni e vëmendshme dhe keni këtë kapje të mesazheve, atëherë nuk di se çfarë mund të bëni”, tha ai.
Rama tha se e ka përdorur një term të cilin e kishte përdorur edhe për Lazaratin në Shqipëri.
“Unë kam përdorur një term që e kam përdorur edhe për Lazaratin, për shembull kur kam thënë është bërë një tokë e askujt. Tokë e askujt nuk është tokë e huaj, është gjë tjetër”, tha ai.
“Tokë e askujt quhet vendi ku shteti nuk ka kontroll dhe që shteti i Kosovës në një fazë të gjatë nuk ka pasur kontroll mbi atë tokë, kjo është evidente apo jo? Këtë kam thënë unë”, tha Rama.
