Mirena: Pasi i kanë kry punët për Zajednicën, po e poshtërojnë opozitën, po iu thonë ‘hajde po iu pyesim edhe juve’

Gazetari Ilir Mirena, thotë se paralajmërimi i Presidentes Osmani për një takim me opozitën kosovare lidhur me draftin e statutit të Asociacionit, është poshtërim për opozitën.

Në emisionin e debatit të televizionit7, Pressing, Mirena thotë se ‘kur janë kryer të gjitha punët’, tash ‘po e thërrasin opozitën’.

‘Sipas të gjitha ligjeve në fuqi, kryeministri i Kosovës është bartës i dialogut. Kryeministri deri sot ka qenë jashtëzakonisht hermetik, i mbyllun. Dhe tash për çka në fund me u pyet opozita tash?

Cila është vlera e fjalës së opozitës tash?

U kry krejt procesi, e tash hajde po iu pyesim juve. Kjo është në njëfarë mënyre është edhe poshtërim për opozitën, po nëse opozita e pranon këtë poshtërim, është çështje e tyne.

Tensioni mbi opozitën që po bëhet tani, tregon se Kurti dhe Osmani janë në krizë të numrave dhe legjitimitetit dhe për me e kry një draft-statut të Zajednicës, iu duhet një legjitimitet edhe me një pjesë të opozitës që me e nda përgjegjësinë për një Republikë Srpska që Kurti po don me e kriju në Kosovë”, tha Mirena në Pressing, përcjell Periskopi.