Mehmetaj për PISA: Kush ka faj? Laçaku, Borrrelli apo Escobari?

Gazetari Lirim Mehmetaj, duke komentuar rezultatet e testit PISA 2022, thotë se Kosova është më e dobët se në vitin 2018.

Ai shkruan se a ‘ka faj  Lajçaku, Borrelli apo Eskobari’ për këtë rezultat:

Mehmetaj shkruan:

Kur mendon që s’ka më keq, ka më keq – Testi PISA tregon rezultate më të dobëta se në vitin 2018

Qeveria e Kosovës ia ka dalë që ta rëndojë situatën edhe në një fushë që supozohej që s’ka si bëhej më keq – në arsim.

Nga rezultatet që dolën sot të testit PISA, nga 80 shtete pjesëmarrëse, Kosova u rendit e 76 për lexim dhe e 77-ta për shkencë.

Numri i nxënësve që nuk kuptojnë të lexuarit, nga 78% sa ka qenë në vitin 2018 është rritur në 83% në vitin 2022.

Në matematikë kriza është thelluar, nxënësit kosovarë që kanë performuar nën nivel janë rritur nga 76% sa ishin në vitin 2018, në 85% në vitin 2022.

Ndërsa në shkencë nga 76% në vitin 2018, numri i performuesve të dobët është rritur në 79% në vitin 2022.

Kush ka faj tash? Lajçaku, Borrelli, Escobari?

A duhet të jap dorëheqje ministrja, cili është arsyetimi?