Lajçak e Hill takohen në Bruksel: Shkëmbyem mendime e plane ‘të dobishme’ rreth Dialogut Kosovë-Serbi

Të premten I Dërguari i Posaçëm i BE’së për Dialogun Kosovë-Serbi, Miroslav Lajcak, që njoftoi se ka pritur Ambasadorin e Shteteve të Bashkuara të Amerikës në Serbi, Christopher Hill. Theks të veçantë kishte tek planifikimi i hapave të mëtejmë.

“Kënaqësi që takova këtë javë në Bruksel, Ambasadorin e SHBA’së në Serbi! Si gjithmonë i dobishëm shkëmbimi i mendimeve dhe planifikimi i hapave të mëtejmë. Mirënjohës për bashkëpunimin e shkëlqyeshëm mes SHBA e BE në Dialog”.

Procesi i dialogut ka ngecur tek procesi i themelimit të Asociacionit të Komunave me Shumicë Serbe megjithëse draft statuti i entitetit të shumë përfolur është përfolur është pranuar nga palët me kushtëzime, përkundër se theksohej nga BE se prisnin që të mos kishte.

Përmbajtja zyrtarisht nuk dihet ende por nga partitë opozitare kosovare që e kanë shqyrtuar, janë treguar kritik dhe paraqitur si të dëmshëm.

Zëdhënësi i BE’së, Peter Stano të premten për RTV 21 ka shpjeguar se drafti i Asociacionit është ‘europian dhe i balancuar’ pa u thelluar më tej pasi është ende në diskutim. Stano ka shtuar po ashtu se palët deri tani kanë dështuar të përmbushin detyrimet e tyre.

Ambasadori Amerikan Hill të premten poashtu ka shpjeguar për Euronews Serbia të premten se tani nuk po diskutohet njohja e Kosovës nga Serbia por normalizim marrëdhëniesh mes dy shteteve dhe stabilizimi i veriut.

“Para së gjithash, ajo që është në tavolinë, sigurisht që nuk është njohje. Ajo që është është normalizim. Unë gjithashtu mendoj se situata duhet të normalizohet. Njerëzit në Veri të Kosovës duhet të zgjohen në mëngjes duke e ditur se çfarë do të jetë jeta e tyre. Duhet të ketë një mundësi që njerëzit të udhëtojnë ku të duan. Duhet të ketë një mirëkuptim për të gjitha këto çështje,” tha ai.

Hill shtoi se puna e emisarit të BE’së, Miroslav Lajçak, është shumë e vështirë dhe ai beson se punon në të me përkushtim.