Krejt dhe Drejt në fund të PISA-s: Dëgjoni këta sekonda me premtime të Kurtit për arsimin

Kosova doli shumë keq me PISA 2022.

Nga rezultatet që dolën sot të testit PISA, nga 80 shtete pjesëmarrëse, Kosova u rendit e 76 për lexim dhe e 77-ta për shkencë.

Numri i nxënësve që nuk kuptojnë të lexuarit, nga 78% sa ka qenë në vitin 2018 është rritur në 83% në vitin 2022.

Dy vite më parë, këto ishin fjalët e Albin Kurtit për arsimin, teksa prezantonte programin qeverisës të Lëvizjes Vetëvendosje: (27:38 e tutje)

‘Në arsimin para-universitar, logjika gjuhësore, matematikore dhe mendimi kritik do të jenë pjesë e praktikave të mësimdhënies në të gjitha nivelet.

Gradualisht do të lëvizim drejt digjitalizimit të arsimit dhe krijimit të klasave të së ardhmes.

Parakusht për rritjen e cilësisë në arsim është mbështetja e mësimdhënëseve në zhvillimin e vazhdueshëm profesional të tyre.

Ne do të krijojmë bibliotekat e mësimdhënësve në secilën shkollë duke i pajisur ato me literaturën relevante dhe të kohës.

Për mësimdhënësit do të ofrojmë edhe banimin me kosto të përballueshme’.