3 orë më parëTë shtunën, ujësjellësi shpërlan linjat për të përmirësuar kualitetin e ujit nga Badoci
Periskopi(3 vite më parë)
(3 vite më parë)Kompania Rajonale e Ujësjellësit “Prishtina” ka njoftuar se të shtunën do ta bëjë shpëlarjen e linjave magjistrale dhe sekondare në zonat që furnizohen nga liqeni i Badocit, me qëllim të përmirësimit të kualitetit të ujit. Sipas njoftimit, zonat që do të kenë çrregullime në sistemin e furnizimit me ujë janë ato që ishin të prekura […]
Kompania Rajonale e Ujësjellësit “Prishtina” ka njoftuar se të shtunën do ta bëjë shpëlarjen e linjave magjistrale dhe sekondare në zonat që furnizohen nga liqeni i Badocit, me qëllim të përmirësimit të kualitetit të ujit.
Sipas njoftimit, zonat që do të kenë çrregullime në sistemin e furnizimit me ujë janë ato që ishin të prekura javëve të fundit nga niveli i lartë i manganit në këtë liqen. Ka disa javë që ata që furnizohen me ujë nga ky liqen nuk është rekomanduar të konsumojnë ujin për pije për shkak të nivelit të manganit.
Autobotët për shpërndarje të ujit të pijshëm dhe përgatitje ushqimi kanë qenë në terren qëkur ujësjellësi njoftoi për praninë e lartë të manganit.
“Me rekomandim të DCBDU dhe IKSHPK gjatë ditës së nesërme, 11 nëntor 2023, e shtunë KRU” Prishtina” do të bëj shpërlarje të linjave magjistrale dhe sekondare në zonat që furnizohen nga ITU Badoc, me qëllim të përmirësimit të kualitetit të ujit. Zonat që do kenë çrregullime në sistemin e furnizimit me ujë janë po të njëjtat zona të prekura javët e fundit nga niveli i lartë i manganit në liqenin e Badocit. Autobotët janë në terren vazhdimisht për të shpërndarë ujë të pijshëm për pije dhe përgatitje ushqimi”, thuhet në njoftimin e KRU “Prishtinës”.
