7 orë më parëSveçla ua përmend rrogat heronjve të 24 shtatorit
Periskopi(3 vite më parë)
(3 vite më parë)Ministri Xhelal Sveçla vendosi që ta përdhos punën e heronjve të 24-shtatorit, shkruan Periskopi. Kur i duheshin për postime e “like” në rrjetet sociale, nuk shkonte ditë pa i lartësuar, por sot Sveçla me postimin e tij vendosi të ua hedhë poshtë punën e tyre pasi ata po duan pak më shumë mirëqenie dhe vlerësim […]
Ministri Xhelal Sveçla vendosi që ta përdhos punën e heronjve të 24-shtatorit, shkruan Periskopi.
Kur i duheshin për postime e “like” në rrjetet sociale, nuk shkonte ditë pa i lartësuar, por sot Sveçla me postimin e tij vendosi të ua hedhë poshtë punën e tyre pasi ata po duan pak më shumë mirëqenie dhe vlerësim për punën që bëjnë.
Sot ministri Sveçla doli me një reagim pas protestës që patën para Qeverisë Njësiti Special Intervenues dhe Njësist për Trajtimin e Mjeteve Eksplozive.
Reagimi i Sveçles ishte skandaloz. Ai tha se zyrtarët që protestuan sot kanë “të ardhura mesatare mujore mbi 2.200 euro”.
Republika e Kosovës është vend i varfër dhe me buxhetin më të vogël në Evropë. Por, Republika e Kosovës është e…
Posted by Xhelal Sveçla on Wednesday, November 1, 2023
Çka thoshte ministri Sveçla për Policinë e Kosovës me 24 shtator?
Me 24 shtator të këtij viti kur në Banjskë ndodhi sulmi terrorist Svecla thuri lavde për punën e Policisë. Më poshtë gjeni disa nga fjalët që ministri i Punëve të Brendshme shkruante për heronjtë e vendit.
“Rreshter Afrim Bunjaku ra sot në krye të detyrës, në mbrojtje të sovranitetit dhe integritetit territorial të Republikës. Ne zotohemi, që lufta dhe përpjekja e Afrimit dhe gjithë pjesëtarëve të Policisë së Kosovës për rend, ligj dhe siguri në veri të vendit nuk do të ndalet, ishte postimi i Svecles me 24 shtator”
“Heroi Afrim Bunjaku me rënien e tij në ballafaqim me grupet terroriste mbrojti vendin tonë e qytetarët tanë si dhe shpërfaqi kriminalitetin e terrorizmin e sponsorizuar nga Serbia që e kemi thënë prej kohësh” thoshte Sveçla.
“Mirënjohje të gjithëve që në uniformën e Policisë së Kosovës po garantojnë sundim të rendit dhe ligjit, po mbrojnë sovranitetin e integritetin territorial të vendit tonë”
“Republika jonë ka shënuar progres në aspektin e qëndrueshmërisë për të luftuar kriminalitetin përmes masave të shumta të ndërmarra nga institucionet tona.
Ky rikonfirmim i suksesit të Republikës së Kosovës është falë punës së zyrtarëve të institucioneve tona që punojnë çdo ditë në luftim të çdo kriminaliteti, për të garantuar sundim të rendit dhe ligjit kudo”.
“Dua të shpreh edhe njëherë mirënjohje për qendresën e Policisë së Kosovës atë ditë dhe për profesionalizmin e pashoq, aksion në të cilin nuk është lënduar lënduar asnjë civil”, thosht Svecla.
