Rashiq: Lista Serbe, nxitësja kryesore për largimin e serbëve nga institucionet e Kosovës

Në Qendrën Mediale në Çagllavicë është mbajtur debati me temën “Një vit pas largimit të serbëve nga institucionet e Kosovës – çfarë fituan dhe çfarë humbën?”.

Ministri për Kthim dhe Komunitete, Nenad Rashiq, tha se largimi i serbëve nga institucionet ka sjellë shumë pasoja dhe ka lënë mangësi në institucione. Ai tha se me largimin e tyre kanë humbur profesionistët dhe tash po mungojnë nëpunësit e licencuar e të kualifikuar.

Duke përmendur Listën Serbe si nxitëse të dorëheqjeve, ai tha se personalisht ka bashkëpunuar me këtë parti me ndikim në veri, por që sipas tij krerë të saj kanë ndërtuar “murin” e Berlinit si mburojë për mosbashkëpunim.

“Ata që janë larguar nga institucionet, nuk është dashur të largohen. Nuk e di a kanë mundësi të kthehen serbët në veri të Kosovës. Kur ka ndodhur dhënia e dorëheqjeve numri i madh i tyre është dashur të japin dorëheqje me shkrim”.

“Së pari ne kemi humbur njerëzit dhe kohën, nuk kemi nëpunës të cilët janë të licencuar, duhet t’i kthemi vetvetes me aq sa kemi më atë të veprojmë”.

“…kam bashkëpunuar me Listën Serbe, por është ndërtuar një mur, muri i Berlinit, kam qenë i vetmi për largimin e murit. Ne nuk kemi fituar asgjë, por duhet t’i kthehemi vetes, të kemi edhe forcën ta mbrojmë veten edhe serbët në veri”. /EO