Pse spitali Al-Shifa në Gaza është rrethuar nga tanket izraelite?

Ai tha se situata e tensionuar rreth spitalit mbetet e njëjtë dhe se gjatë natës ka dëgjuar disa shpërthime dhe shkëmbime zjarri.

Ai gjithashtu më tha se tanket po rrethojnë spitalin nga të gjitha anët dhe se qasja brenda dhe jashtë spitalit është e pamundur.

Edhe lëvizja nga një ndërtesë në tjetrën brenda kompleksit të spitalit është një rrezik i madh, siç më përshkroi ai.

Ai tha se njerëzit kanë vdekur në spital sepse nuk ka energji elektrike, nuk ka ujë dhe nuk ka mjaftueshëm ilaçe.

Dje, Mark Regev, një këshilltar i lartë i kryeministrit izraelit, Benjamin Netanyahu tha se një përpjekje e ushtrisë izraelite për të dërguar 300 litra karburant në Shifa të dielën, kishte dështuar sepse Hamasi kishte refuzuar ta pranonte- diçka që Hamasi e mohon.

Kontakti im brenda spitalit tha se kjo do të mjaftonte vetëm për një gjysmë ore dhe se duhej një zgjidhje e qëndrueshme. Ai tha se nevojiten të paktën 10 mijë litra karburant në ditë për këtë spital.

Izraeli ka akuzuar Hamasin se ka një qendër komandimi dhe kontrolli në Shifa- gjë që grupi e mohon.

Unë kam qenë qindra herë në spital- atje kam lindur, atje ka lindur djali im, në dy muajt e fundit të jetës së mamasë sime, ajo ishte brenda qendrës së dializës së veshkave dhe e vizitoja çdo ditë.

Është shumë e vështirë të verifikosh se çfarë ka aty poshtë. Me sytë e mi, nuk kam parë asnjë kapacitet ushtarak brenda godinave të spitalit.