8 orë më parëTë sqarohen provat që përmendi: Prokuroria iu referua këtyre fjalëve të Haxhiut për rastin e Astrit Deharit
Periskopi(3 vite më parë)
(3 vite më parë)Prokuroria Speciale, e ka ftuar në cilësinë e dëshmitares ministren e Drejtësisë, znj.Albulena Haxhiu, lidhur me rastin e Astrit Deharit. Një status në Facebook, nga ana e ministers Albulena Haxhiu, ka vënë në lëvizje Prokurorinë Speciale, për të ftuar atë në cilësinë e dëshmitares për rastin e Astrit Deharit. Fjalive të cilave i është referuar […]
Një status në Facebook, nga ana e ministers Albulena Haxhiu, ka vënë në lëvizje Prokurorinë Speciale, për të ftuar atë në cilësinë e dëshmitares për rastin e Astrit Deharit.
Fjalive të cilave i është referuar Prokuroria, siç ka njoftuar vetë ministrja në dokumentin e publikuar, janë këto:
“Provat ekzistojnë dhe gjithçka që duhet është vullneti i policisë dhe prokurorisë për ta zbardhur deri në fund këtë rast.
Ministria e Drejtësisë ka bërë gjithçka që lejojnë kompetencat e saj. I mbetet institucioneve të drejtësisë të veprojnë dhe të sjellin rezultate ndaj këtij krimi ende të errësuar”, pati shkruar znj.Haxhiu në përvjetorin e vdekjes së Astrit Deharit.
Në thirrjen që i është bërë ministers Haxhiu për dëshmi, veç tjerash thuhet:
“E njëjta të sqarohet se cilat janë ato prova për të cilat ajo pretendon dhe nëse po, kush janë kryesit e veprës penale sipas saj”.
Haxhiu për ftesën e intervstimit: Do të shkoj për dëshmi
Lidhur me këtë ftesë, që e bën me dije vetë znj.Haxhiu, ajo po ashtu thotë se ‘do të shkojë ta jap dëshminë e saj lidhur me rastin’.
Mirëpo, ministrja e drejtësisë, hedh kritika në adresë të prokurorit special, Afrim Shefkiu.
Ja mesazhi i plotë në Facebook, ku ka bashkangjitur edhe dokumentet/ ose thirrjen për intervistim:
‘Prokurori Special, Afrim Shefkiu, paska kërkuar nga unë që të përgjigjem se kush janë vrasësit e Astrit Deharit! E gjithë kjo bazuar në një status timin në rrjetet sociale, në përvjetorin e Astrit Deharit.
Është një gjë e thjesht që duhet ta dijë një prokuror. Ministri i Drejtësisë nuk mund të jetë prokuror e as gjyqtar. Unë nuk mund t’i marrë përgjegjësitë e tij. Lëndën e Astrit Deharit, prokurori Afrim Shefiku e ka që nga viti 2019 dhe ende nuk ka asnjë rezultat në zbardhjen e këtij rasti. Ai është përgjegjës për t’i treguar familjes dhe qytetarëve se kush janë vrasësit!
Unë natyrisht do të jap dëshminë time lidhur me këtë.
Prokurori Shefiku dhe eprori i tij, që nuk mund të na heshtin, në kërkesën tonë për drejtësi.
Bashkëngjitur gjeni Autorizimin.’/Periskopi
