3 orë më parëBislimi dhe Petkoviq takohen javën e ardhshme në Bruksel
Periskopi(3 vite më parë)
(3 vite më parë)Besnik Bislimi në konferencë për media ka konfirmuar se takimi i radhës në Bruksel në nivel të kryenegociatorëve nën ndërmjetësimin e Bashkimit Evropian do të jetë të enjten e ardhshme. Bislimi tha se kjo është e vetmja gjë për të cilën është arritur dakordim, që 16 nëntori të jetë data për takim në Bruksel. “Takimi […]
Bislimi tha se kjo është e vetmja gjë për të cilën është arritur dakordim, që 16 nëntori të jetë data për takim në Bruksel.
“Takimi i radhës do të jetë të enjten e ardhshme në Bruksel. Ky është dakordimi i vetëm që kemi arritur, pra më 16 nëntor”, tha Bislimi para gazetarëve.
Ai shtoi se në Bruksel s’ka më negociata, pasi tani është faza e zbatimit të marrëveshjeve.
“Në Bruksel nuk ka më kompromise, kanë përfunduar. Jemi në fazën e zbatimit të marrëveshjeve e jo negociimit. Kosova insiston që marrëveshjet të zbatohen në plotëni”, tha zëvendëskryeministri i Kosovës, Besnik Bislimi.
Emisari i posaçëm i BE-së për dialogun Kosovë- Serbi, Miroslav Lajçak, gjatë vizitës së tij në Kosovës dy ditë më parë tha se me Bislimin ka diskutuar për çështjet urgjente të pazgjidhura që kanë të bëjnë me dialogun.
Objektiv, Lajçak tha se ishte vendosja e bazave për një takim të ardhshëm mes dy kryenegociatorëve.
Ai bëri të ditur se ka propozuar një agjendë për takim të ardhshëm, ku fokusi do të jetën “arritja e përparimit të menjëhershëm në zbatimin e Marrëveshjes dhe gjetjen e zgjidhjeve të qëndrueshme për situatën sfiduese në Veri”.
