‘25 mikrona, 50 mikrona’: Kurti në stilin e tij, i rreket pak sqarimit të hollësisë dhe trashësisë së qeseve plastike

“Qeset e plastikës nuk do të kenë logo, do të kushtojnë 5 centë, 2 cent shkojnë në buxhet të shtetit. Përjashtim kanë këto qeset prej 0 deri në 25 mikrona sepse ato s’kanë as vegëza as dorëza dhe përdoren për fruta, perime dhe gjëra higjienike.  Ndërkaq, logot përdoren vetëm për ato që kanë mbi 50 mikrona”, tha kryeministri Albin Kurti, teksa mori pjesë në promovimin e zvogëlimit të përdorimit të qeseve plastike.

Kurti që doli në terren me ministrin Liburn Aliu, falënderoi pronarët e marketeve për bashkëpunimin dhe i ftojë qytetarët të marrin torbat me vete. Mandej ai tha se qeset pa doreza janë falas ndërsa të tjerat 5 centë, ku 2 centë do të shkojnë në buxhetin e shtetit.

“Ne i falënderojmë shumë për bashkëpunimin pronarët e marketeve dhe menaxherët e marketeve apo vetëshërbimeve siç iu kemi thënë kaherë që ta zbatojmë me përpikëri udhëzimin administrativ dhe i ftojmë qytetarët që kur të shkojnë të blejnë në vetëshërbim në markete t’i marrin torbat me vete”.

“Vetëm këto qeset pa dorëza pa vegëza do të jenë  falas dhe këto përdoren për fruta dhe perime ndërkaq  ato qeset prej 25 deri 50 gram do të kushtojnë 5 centë,  2 centë shkojnë në buxhet të shtetit. Por është mirë që aso të kemi sa më pak të drejtë aspak dhe torbat merreni me vete kur blini gjësende nëpër vetëshërbime apo markete”.