4 orë më parëShqipëria dhe Bullgaria ia pamundësojnë Rusisë kthimin në organin e të drejtave të OKB-së
Periskopi(3 vite më parë)
(3 vite më parë)Rusia ka dështuar në përpjekjen e saj për t’u kthyer në organin më të lartë të Kombeve të Bashkuara për të Drejtat e Njeriut. Rusia mori 83 vota kundrejt 160 për Bullgarinë dhe 123 për Shqipërinë, e cila kishte konkurruar kundër saj në të njëjtin grupim të Evropës Lindore për dy vende në Këshillin e të […]
Rusia ka dështuar në përpjekjen e saj për t’u kthyer në organin më të lartë të Kombeve të Bashkuara për të Drejtat e Njeriut.
Rusia mori 83 vota kundrejt 160 për Bullgarinë dhe 123 për Shqipërinë, e cila kishte konkurruar kundër saj në të njëjtin grupim të Evropës Lindore për dy vende në Këshillin e të Drejtave të Njeriut me qendër në Gjenevë.
“Shtetet anëtare të OKB-së i dërguan një sinjal të fortë udhëheqjes ruse se një qeveri përgjegjëse për krime të panumërta të luftës dhe krime kundër njerëzimit nuk i përket atje,” tha Louis Charbonneau, drejtor i Kombeve të Bashkuara në Human Rights Watch.
Për këtë, nuk pati ndonjë reagim nga Moska.
Ndryshe, Asambleja e Përgjithshme e Kombeve të Bashkuara ka në prill të vitit 2022 kishte pezulluar Rusinë nga Këshilli për të Drejta të Njeriut, pas raportimeve “për shkelje sistematike dhe abuzim të të drejtave të njeriut”, nga trupat ruse që kanë pushtuar Ukrainën.
Kjo kërkesë e shtyrë nga Shtetet e Bashkuara është miratuar me 93 vota për, 24 kundër dhe 58 shtete kanë abstenuar.
Pezullimet e tilla janë të rralla.
Libia është pezulluar më 2011 për shkak të dhunës kundër protestuesve nga forcat besnike të ish-liderit, Muammar Gaddafi
