5 orë më parëPolicia e Kosovës kërkon kushte më të mira, del me 10 kërkesa
Periskopi(3 vite më parë)
(3 vite më parë)Sindikata e Policisë së Kosovës, ka dërguar një peticion në Komisionin Hetimor për të Drejtat e Njeriut, nëpërmjet të cilit kërkohet përmirësim i kushteve të punës. Këtë peticion e kanë nënshkruar 5623 pjesëtarë të Policisë, e në mesin e kërkesave janë shtesa e rrezikshmërisë në punë, shtesa për punë të veçantë, klasifikimi në koeficient për […]
Këtë peticion e kanë nënshkruar 5623 pjesëtarë të Policisë, e në mesin e kërkesave janë shtesa e rrezikshmërisë në punë, shtesa për punë të veçantë, klasifikimi në koeficient për stafin civil, shujta mujore, shpërblimi për fund të vitit për përformancë të mirë, tri paga përcjellëse për të pensionuarit, zbritje e përvojës së punës, sigurim shëndetësor e jetësor dhe Ligji për pensionim në Polici.
Deputetja e PDK-së, Ariana Musliu Shoshi, e cila njëherit është anëtare e këtij komisioni ka publikuar peticionin e dërguar nga Sindikata e Policisë, ku gjithashtu ka shkruar se “pushteti duhet të dëshmojë përkrahjen”.
“Policia e Kosovës meriton përkrahje me vepra, boll me fjalë! Në Komisionin parlamentar për të Drejta të Njeriut kemi pranuar peticion nga Sindikata e Policisë së Kosovës me 5623 nënshkrime nga pjesëtarë të policisë të Kosovës. Kërkesat e tyre janë të domosdoshme dhe duhet të aprovohen pa asnjë vonesë”, ka shkruar Shoshi.
