2 orë më parëOsmani në Granada: Raportohet se në orën 17:00 mban konferencë për media
Periskopi(3 vite më parë)
(3 vite më parë)Presidentja Vjosa Osmani tashmë ka shkuar në Granada të Spanjës për të marrë pjesë në samitin e Komunitetit Politik Evropian. Klan Kosova mëson se ajo do të jetë në samit rreth orës 12:00, ku do të deklarohet për media në hyrje. Ndërkaq, në ora 17:00 do të mbajë konferencë për të gjitha mediat. E para […]
Presidentja Vjosa Osmani tashmë ka shkuar në Granada të Spanjës për të marrë pjesë në samitin e Komunitetit Politik Evropian.
Klan Kosova mëson se ajo do të jetë në samit rreth orës 12:00, ku do të deklarohet për media në hyrje.
Ndërkaq, në ora 17:00 do të mbajë konferencë për të gjitha mediat.
E para e shtetit të Kosovës pas arritjes mbrëmë në Granada ka treguar në platformën X, se në këtë samit do diskutojë sfidat e sigurisë së Kosovës pas aktit të agresionit të Serbisë.
”Në takime me kolegët udhëheqës, do të diskutoj sfidat e sigurisë në Kosovë pas aktit të agresionit të Serbisë dhe do të ritheksoj angazhimin tonë për thellimin e bashkëpunimit me aleatët për paqen, stabilitetin dhe sigurinë afatgjatë”, shkroi Osmani.
Tensionet mes Kosovës dhe Serbisë do të jenë temë diskutimi i liderëve të shteteve evropiane në samitin e Komunitetit Politik Evropian (EPC), gjatë ditës së sotme në Granada të Spanjës, ndonëse diskutimet do të jenë me dyer të mbyllura.
