8 orë më parëNjësia Speciale në Banjskë zëvendësohet me Njësitin për Ndërhyrje të Shpejtë
Periskopi(3 vite më parë)
(3 vite më parë)Në Banjskë të Zveçanit është reduktuar prezenca e Njësive Speciale e Policisë së Kosovës duke u zëvendësuar me atë të Njësitit për Ndërhyrje të Shpejtë. Këtë e bëri të ditur Veton Elshani, zëvendëskomandanti i drejtorisë rajonale të policisë në Mitrovicën veriut. “Kjo është bërë për shkak të nivelit më të ulët të rrezikshmërisë, pasi ka […]
Në Banjskë të Zveçanit është reduktuar prezenca e Njësive Speciale e Policisë së Kosovës duke u zëvendësuar me atë të Njësitit për Ndërhyrje të Shpejtë.
Këtë e bëri të ditur Veton Elshani, zëvendëskomandanti i drejtorisë rajonale të policisë në Mitrovicën veriut.
“Kjo është bërë për shkak të nivelit më të ulët të rrezikshmërisë, pasi ka zbritur niveli i rrezikshmërisë dhe është i vogël. Po ashtu, është kontrolluar pothuajse e gjithë ajo zonë që të mos rrezik për mjete shpërthyese”, tha për Klankosova.tv
Ai bëri të ditur se jeta në atë zonë qetë po i kthehet normalitetit.
“Sot për herë të parë i kemi thirrur edhe zjarrfikësit për të pastruar rrugët dhe zonën, dhe jeta dalëngadalë është duke iu kthyer normalitetit”, ka thënë Elshani.
Më 24 shtator, të dielën e javës së kaluar, në Banjskë është vrarë polici Afrim Bunjaku, nga një grup i terroristëve serbë. Policia e Kosovës tre prej tyre i ka vrarë, dhe tetë të tjerë i ka plagosur.
