Hoxhaj: Kurti do të duhej të shkonte në Uashington pas 24 shtatorit

Kështu tha nënkryetari i PDK-së dhe ish-ministri i jashtëm Enver Hoxhaj, në emisionin Konfront të KTV-së, përcjell Periskopi:

‘Adresa e parë duhet të jenë SHBA. Është mëse e udhës mas pothuajse dy javë të sulmit dhe agresionit mbi territorin e Republikës së Kosovës dhe askush nga Kosova deri tash nuk e ka vizituar Uashingtonin.

Askush i rëndësishëm nga Uashingtoni dhe nga BE nuk ka ardhë për vizitë në Kosovë, përjashtuar z.Odzdemir, që është ministër i Bujqësisë në Gjermani me prejardhje turke, që shtë shumë pro Kosovë por i cili nuk ka gravitet as në qeverinë gjermane.

Unë nuk njoh një rast të tillë, që një komando terrrosite ushtron agresion, akt agresioni mbi integritetin territorial të një vendi, vritet një polic – pa dyshim që qëndrimi i SHBA ka qenë i qartë dhe pjesëmarrja e ambasadorëve në varrim, pa dyshim ishin mesazhe të qarta, por kam frikë se qeveria e Kosovës po humb shumë kohë me konferenca në Prishtinë, me diplomaci publike pa asnjë qëllim të matshëm, me një notë verbale që e kanë çu vetëm ditën e parë apo të dytën kur ka ndodh agresioni ajo notë verbale ka qenë shumë e mirë, e kam parë edhe të Serbisë meqë kemi shumë partnerë që ndajnë notat verbale, dhe unë nuk po shoh vizion politik se si të ecet përpara pas 24 shtatorit.

Mendoj që mbi të gjitha do të duhej kryeministri, ky vend me sistemin politik që e ka, shef politik e ka kryeministrin, presidentja ka rolin e vet, ministrja e jashtme ka rolin e vet nëse ka mbështetjen e presidentit dhe qeverisë, por mbi të gjitha besoj se kryeministri do të duhej ai që viziton këto qendra, ai që i thotë botës demokratike, që ne ishim në tavolinë të bisedime për normalizim raportesh me Serbinë dhe jo vetëm në dy vitet e fundit por në 13 vitet e fundit, Serbia bëri akt agresioni’, tha Hoxhaj./Periskopi