8 orë më parëHaxhiu: Më së shumti para në rrjete sociale ka harxhu Vetëvendosja
Periskopi(3 vite më parë)
(3 vite më parë)Baton Haxhiu, gazetar, ka thënë se më së shumti mjete financiare për rrjetet sociale ka shpenzuar partia e Albin Kurtit, Lëvizja Vetëvendosje. Ai ka folur për periudhën 2011-2023, por thotë se shuma më e madhe financiare është shpenzuar gjatë periudhës 2019-2023. ”Paret më të shumta që kanë hy në rrjete sociale janë prej vitit 2019 […]
Baton Haxhiu, gazetar, ka thënë se më së shumti mjete financiare për rrjetet sociale ka shpenzuar partia e Albin Kurtit, Lëvizja Vetëvendosje.
Ai ka folur për periudhën 2011-2023, por thotë se shuma më e madhe financiare është shpenzuar gjatë periudhës 2019-2023.
”Paret më të shumta që kanë hy në rrjete sociale janë prej vitit 2019 deri në vitin 2023. Shumica e këtij 5.6 milionshi janë harxhuar në këtë periudhë”, ka thënë Haxhiu.
Haxhiu ka deklaruar se qëllimi ndër tjerash nuk ka qenë vetëm promovimi i partisë, por edhe kontestimi i të arriturave 20-vjeçare dhe sulmimi i të tjerëve përmes fushatave të ndryshme.
”Në faza të ndryshme, po e shpjegojmë Vetëvendosjen. Vetëvendosja fushatën negative është orientuar te militantët, te militantët për përforcimin e militanteve, fushata negative është ndërtuar te grupet analistike dhe neutrale dhe kontestimin e të arriturave të 20-vjeçare”, ka thënë Haxhiu në Pressing të T7
Më tutje, ai ka deklaruar se VV-ja gjatë kësaj periudhe ka angazhuar tri kompani.
”Dhe këtu kanë punuar tri kompani, një është turko-greke, një është amerikane dhe tjetra izraelite. Kjo e fundit ka qenë më e ashpra në rrënimin e autoritetit të atyre që nuk binden”, ka thënë gazetari Haxhiu.
