Hagë: Vazhdon gjykimi ndaj Thaçit dhe të tjerëve

Ndryshe, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, dje (më 11 tetor), ka filluar dëshminë dëshmitari 30-të. Sipas përmbledhjes së lexuar në gjykatë, dëshmitari është ish-pjesëtar i Ushtrisë Çlirimtare të Kosovës.

Dje është shtyrë dëshmia e dëshmitarit të 29-të, avokati i dëshmitarit ka thënë se klienti i tij nuk po ndjehet mire dhe se nuk është i gatshëm të dëshmojë.

Dëshmitari i mbrojtur në disa raste ka kërkuar që të shkojë në burg, pasi nuk dëshiron të dëshmojë. Tutje u vendos që dëshmitari i 29-të, në rastin Thaçi dhe të tjerët, do të vazhdojnë dëshminë më 16 tetor.

Gjykimi ndaj ish-krerëve të UÇK-së ka nisur më 3 prill kurse të akuzuarit janë deklaruar të pafajshëm.

Aktakuza e parë kundër katër të akuzuarve u konfirmua më 26 tetor 2020 dhe u bë publike më 5 nëntor 2020. Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore.