200 ushtarë britanikë po vijnë në Kosovë: Dalim pamjet

200 ushtarë britanikë tashmë kanë arritur në Kosovë për të përforcuar kështu misionin paqeruajtës të NATO-s në Kosovë, KFOR, kjo pas sulmit terrorist ndaj Policisë së Kosovës në Banjë të Zveçanit, më 26 shtator.

Lajmi është bërë i ditur përmes një shkrimi në platformën ‘X’ nga Shtabi Suprem i Fuqive Aleate në Evropë.

“200 ushtarë të trupave britanik po arrijnë në Kosovë për të përforcuar misionin paqeruajtës të NATO-s në Kosovë (KFOR)”.

“Dislokimi vjen pas sulmit të dhunshëm ndaj Policisë së Kosovës më 24 shtator”, thuhet në reagimin e këtij shtabi.

Edhe më 6 tetor, në Kosovë ka arritur kontingjenti i parë prej 200 ushtarësh britanik.

Në njoftimin e bërë nga NATO, thuhet se këto dislokime janë një hap i rëndësishëm për të siguruar që KFOR-i të ketë forcat që i nevojiten për të përmbushur mandatin e tij të OKB-së.

Ky dislokim bazohet në një kërkesë të Komandantit Suprem të Aleatëve të NATO-s për Evropë, e cili u miratua nga Aleatët në Këshillin e Atlantikut të Veriut.

Two hundred British Army 🇬🇧 soldiers are arriving in Kosovo to reinforce NATO’s Kosovo Force (KFOR) peacekeeping mission.
The deployment comes after the violent attack on Kosovo Police on 24 September.#WeAreNATO pic.twitter.com/ajluUbyrOT

— SHAPE_NATO Allied Command Operations (@SHAPE_NATO) October 9, 2023