7 orë më parëPse është rritur presioni për të dërguar tanke perëndimore drejt Ukrainës
Periskopi(3 vite më parë)
(3 vite më parë)Kur Sekretari britanik i Mbrojtjes, Ben Wallace, konfirmoi vendimin e Britanisë së Madhe për të dërguar tanket krysore në Ukrainë, ai e përshkruajti si “pakon më domethënëse të ndihmave deri më sot”. Qëllimi, ai tha, ishte “për të përshpejtuar suksesin e Ukrainës”. Zyrtarët perëndimorë besojnë se kjo “është një dritare e mundësisë” për Ukrainën për […]
Zyrtarët perëndimorë besojnë se kjo “është një dritare e mundësisë” për Ukrainën për t’i zbrapsur forcat ruse.
Me kohën që pritet t’i nevojitet trupave ukrainase për t’u trajnuar për përdorimin e pajisjeve perëndimore, kjo duket se është shenjë e një ofenzive në pranverë.
Besohet se Rusia tani është gjunjëzuar- pavarësisht se ka arritur suksese të vogla në lindje, shkruan BBC.
Zyrtarët perëndimorë thonë se Moska është duke u përballur me mungesë të armatimit dhe të trupave të trajnuar- pavarësisht përpjekjeve për t’i rifurnizuar stogjet dhe mobilizimit të forcave shtesë.
Një zyrtar britanik i mbrojtjes tha për BBC se Wallace përgjatë muajve të fundit është përpjekur për të rritur mbështetjen perëndimore në mënyrë që të përforcohet ofenziva ukrainase.
Tanket gjermane Leopard janë kyçe në këtë ekuacion, por gjermanët, deri më tani, i kanë rezistuar presionit në rritje, transmeton Periskopi.
Shetet e Bashkuara të Amerikës kanë thënë se aleatët e NATO-s duhet të kontribuojnë më shumë për mbrojtjen e tyre. Me luftën që ndodhet në prag të tyre, pritet që tani të bëhet një përjashtim në mënyrë që të veprohet. /Periskopi/
