7 orë më parëPërmbytjet në Kosovë: Kurti akuzon Qeveritë e kaluara
Periskopi(3 vite më parë)
(3 vite më parë)Kryeministri Albin Kurti nuk është ndalur sot në Skenderaj ku që prej dje, vijnë pamjet më apokaliptike si pasojë e vërshimeve, por megjithëkëtë, shkoi në Istog – qytet poashtu me pasoja të rënda shkaku i vërshimeve. Në njoftimin që Kryeministri ka shkruar në Facebook, në fund, ua hedh fajin qeverive të kaluara ku nënkupton se […]
Kryeministri Albin Kurti nuk është ndalur sot në Skenderaj ku që prej dje, vijnë pamjet më apokaliptike si pasojë e vërshimeve, por megjithëkëtë, shkoi në Istog – qytet poashtu me pasoja të rënda shkaku i vërshimeve.
Në njoftimin që Kryeministri ka shkruar në Facebook, në fund, ua hedh fajin qeverive të kaluara ku nënkupton se vërshimet po ashtu janë pasojë e ‘dëmtimit të brigjeve dhe shtretërve të lumenjve’ dhe vazhdon kështu tutje Kurti paragrafin:
“Dëmtimi i brigjeve dhe shtretërve të lumenjve nga eksploatimi i egër i zhavorrit, prerja ilegale e pyjeve ndër vite dhe mungesa e projekteve të pyllëzimit, sistemet jo adekuate të kanalizimit dhe ujëmbledhjes, si dhe ndryshimet klimatike globale i kanë lehtësuar, shpejtuar e shpeshtuar përmbytjet e vendbanimeve nga vërshimet”.
Njoftimi i plotë i mëngjesit të sotëm, nga llogaria e Kurtit në Facebook:
Bashkë me ministrin e Mbrojtjes, Armend Mehaj dhe atë të Administrimit të Pushtetit Lokal, Elbert Krasniqi, vizituam rreth 20 pjesëtarë të FSK-së të cilët me kamion ushtarak dhe barkë lundruese, po e bëjnë të pamundurën që t’iu dalin në ndihmë banorëve të fshatit Drejë, në Istog. Aty, te “Ura në Drejë”, mbi lumin Kujavç, na priti kryetari i komunës Ilir Ferati i cili na njoftoi me gjendjen e vështirë dje dhe sot. Më pas shkuam bashkë në Qendrën Kryesore të Mjekësisë Familjare ku vizituam dy familje të evakuara nga Zallqi: Arton dhe Luljeta Jahajn me katër fëmijë të vegjël, dhe, Avdi e Floreta Jahajn me dy fëmijë të vegjël. Përveç dëmeve të konsiderueshme materiale nuk kemi qytetarë të vdekur e as të lënduar. Edhe Klina, Peja e Gjakova, sikurse edhe Mitrovica, Skenderaj e Podujeva kanë pësuar dëme.
Qeveria e Republikës së Kosovës dhe të gjitha institucionet shtetërore qëndrojnë pranë banorëve të komunave ku pati vërshime duke i ndihmuar e mbështetur ata.
Dëmtimi i brigjeve dhe shtretërve të lumenjve nga eksploatimi i egër i zhavorrit, prerja ilegale e pyjeve ndër vite dhe mungesa e projekteve të pyllëzimit, sistemet jo adekuate të kanalizimit dhe ujëmbledhjes, si dhe ndryshimet klimatike globale i kanë lehtësuar, shpejtuar e shpeshtuar përmbytjet e vendbanimeve nga vërshimet./Periskopi
