8 orë më parëPërfaqësuesit ndërkombëtarë takohen me Vuçiqin në Beograd
Periskopi(3 vite më parë)
(3 vite më parë)Pesë përfaqësues të Bashkimit Evropian, Shteteve të Bashkuara të Amerikës, Francës, Gjermanisë dhe Italisë, pas takimit me kryeministrin e Kosovës, Albin Kurti, kanë takuar të premten edhe presidentin e Serbisë, Aleksandar Vuçiq, me të cilin pritet të diskutohet për hapat e mëtejmë në dialogun Kosovë-Serbi. Pos përfaqësuesit të BE-së për dialogun, Miroslav Lajçak, në takimet […]
Pos përfaqësuesit të BE-së për dialogun, Miroslav Lajçak, në takimet me Kurtin e Vuçiqin janë edhe, këshilltarët për polikë të jashtme dhe siguri të kancelarit të Gjermanisë, Olaf Scholz dhe presidentit të Francës, Emmanuel Macron, Jens Plötner dhe Emmanuel Bonne, këshilltari diplomatik i kryeministrit të Italisë, Francesco Maria Talò dhe zëvendësndihmës sekretari i Shteteve të Bashkuara për Çështje Evropiane dhe Euroaziatike dhe njëherësh i dërguari posaçëm i Shteteve të Bashkuara të Amerikës për Ballkanin Perëndimor, Gabriel Escobar.
Vuçiqi ka postuar në Instagram një fotografi të përbashkët nga nisja e takimit.
Pritet që në takim të bisedohet për vazhdimin e dialogut, bazuar në planin franko-gjerman.
Pas takimit në Kosovë, përfaqësuesi i BE-së për dialogun, MIroslav Lajçak, u shpreh se ka pritur më shumë mirëkuptim për mundësitë që ofron propozimi evropian.
