8 orë më parëPas shumë muajve pezull, ministre Hajdari e nënshkruan marrëveshjen për tokën me Kosmonte Foods
Periskopi(3 vite më parë)
(3 vite më parë)Ministrja e Industrisë, Ndërmarrësisë dhe Tregtisë, Rozeta Hajdari, ka nënshkruar sot marrëveshjen me Kosmonte Foods, përmes së cilës parashihet që kësaj kompanie t’i jepet dhënia në dhënia në shfrytëzim e pronës për 99 vite në zonën kadastrale Harilaq, Komuna e Fushë Kosovë. Sipas MINT, nga ky projekt pritet të happen 300 vende të reja pune. […]
Sipas MINT, nga ky projekt pritet të happen 300 vende të reja pune. Vlera totale e projektit që do të realizohet është 11 milionë e 143 mijë e 917 euro.
“Sipas marrëveshjes, investimi do të kryhet së shpejti, dhe do të jetësojë projektin investues duke sjellë dhe bashkëpunuar me kompaninë gjermane “Zott”, dhe kompaninë sllovene “Perutnina Ptuj”. Nga ky projekt strategjik parashihet të hapen së paku edhe 300 vende të reja pune. Objekt i kësaj marrëveshjeje është dhënia në shfrytëzim e pronës për 99 vite në zonën kadastrale Harilaq, Komuna e Fushë Kosovës, e cila do të shfrytëzohet për investime strategjike në asete fizike për grumbullimin, trajtimin, ruajtjen e pemëve dhe perimeve, përpunimin e tyre dhe tregtimin e produkteve bujqësore, si dhe përpunimin e mishit të shpezëve”, thuhet në njoftim.
Ministrja Hajdari nuk di si të veprojë, frikësohet të nënshkruajë marrëveshjen përfundimtare me “Kosmonte Foods”
Periskopi para shtatë muajve kishte raportuar se si Ministria e Industrisë, Ndërmarrësisë dhe Tregtisë -MINT ishte ndodhur në një situatë të re dhe nuk po dinte si të vepronte tutje me kompaninë e rekomanduar dhe procesi kishte mbetur pezull për disa muaj.
Siç kishte mësuar Periskopi, kompania nuk është pajisur me pasaportën përfundimtare të Investitorit Strategjik. Kjo ngase, ministrja e MINT, Rozeta Hajdari po hezitonte të vendosë nënshkrimin në marrëveshjen përfundimtare.
