5 orë më parëKryeministri grek paralajmëron për trazira përpara zgjedhjeve
Periskopi(3 vite më parë)
(3 vite më parë)Kryeministri grek Kyriakos Mitsotakis të hënën paralajmëroi deputetët e tij që të jenë gati të përballen me “trazira” përpara zgjedhjeve kombëtare. Kjo deklaratë u interpretua nga opozita si “frikë” për zbulimet e reja në lidhje me skandalin e përgjimeve. “Do të kemi trazira; do të përballemi me shumë toksicitet. Dhe kjo sepse askush nuk mund […]
Kjo deklaratë u interpretua nga opozita si “frikë” për zbulimet e reja në lidhje me skandalin e përgjimeve.
“Do të kemi trazira; do të përballemi me shumë toksicitet. Dhe kjo sepse askush nuk mund ta kundërshtojë punën tonë. Ata [opozita] gjithashtu nuk kanë thënë asgjë për atë që do të bëjnë në katër vitet e ardhshme sepse thjesht nuk mund të flasin dhe të paraqesin një plan gjithëpërfshirës”, u tha Mitsotakis ligjvënësve të tij.
Ai shtoi gjithashtu se zgjedhjet mund të mbahen në prill ose maj dhe një raund i dytë pritet katër javë më vonë.
Sipas analistëve, në zgjedhjet e ardhshme do të zbatohet një ligj i ri zgjedhor, i cili do të kërkojë një qeveri koalicioni për të qeverisur vendin.
Raundi i parë do të mbahet me shumicë të thjeshtë, ndërsa për të dytin një partie do t’i nevojiten rreth 37% të votave për të formuar qeverinë. Përndryshe, partia që renditet e para duhet të kërkojë partnerë për të qeverisur.
Në skandalin “Greek Watergate”, disa politikanë, gazetarë dhe biznesmenë u vëzhguan nga shërbimet sekrete greke, të cilat ishin nën kontrollin personal të Mitsotakis (EPP).
