“E mallkoj dorën e mendjen time që ta dhashë votën”, ish-kandidatja e VV-së i reagon ashpër Kurtit për Ivanoviqin

Shefi i ekzekutivit, Ivanoviqin e kishte quajtur person të përkushtuar ndaj komunitetit të tij dhe “i respektueshëm edhe ndaj atyre me të cilët nuk ishte dakord”.

Në profilin zyrtar në facebook të Qeverisë së Kosovës, ka reaguar ish-kandidatja e Vetëvendosjes për anëtare në Komunën e Mitrovicës, Flora Peci, të cilës grupi i Ivanoviqit ia kishte vrarë vëllain.

Ajo ka shkruar se Kurti me reagimin e tij ia ka përtirë plagët asaj.

“Po shkruaj me lot në sy se na i përtërive plagët z.Kurti, po ndezni edhe qirinj për shpirt të tij të prehet në paqe pas krimeve që i bëri në popullin shqiptar”, ka shkruar ajo në postimin e Qeverisë.

Peci gjithashtu ka shkruajtur se e mallkon dorën dhe mendjen e saj që e votoi kryeministrin Kurti. Ajo shtoi se është e shokuar dhe plot emocione nga ato fjalë.

“E mallkoj dorën e mendjen time që ta dhashë votën, unë motra e të vrarit nga dora e zezë sllave me urdhër të këtij krimineli. Do të shkruaja ende, po nuk kam forcë se jam e shokuar dhe me plot emocione nga këto fjalë”, thuhet në komentin e saj.

Komenti i plotë:

Megjithatë pavarësisht se në reagimin e saj znj. Flora Peci thotë se nuk i takon asnjë partie, ajo në vitin 2017 iu kishte bashkuar Lëvizjes Vetëvendosje për të garuar për asamble komunale në Mitrovicë.