Debati për Trustin, Shabani (PDK): I ngopuri nuk ia beson të uriturit

Shabani ka kritikuar qasjen e Qeverisë, duke i quajtur qesharake deklaratat e tyre se “qytetarët po përdorin paratë e Trustit për qejf”.

“Më parë ka pasur deklarata, qasje qesharake nga disa funksionarë në lidhje me shpenzimet e këtyre parave, parafrazoj “njerëzve po u ngutet të shkojnë në deti ose po i shpenzojnë ato mjete për qejfi”. Nuk do të befasohem nëse sot apo nesër i dëgjoj po të njëjtit duke deklaruar se pas tërheqjes së Trustit do të shkojnë në bjeshkë, ski, sepse të tillët nisen nga vetja. Thotë një thënie popullore “se i ngopuri nuk ia beson të uriturit”. Askush, natyrisht që sot me këto para nuk do të bëj qejf, sepse nuk është kohë qejfi, por mbijetese”.

“Sipas mendimit tim Kosova sot ka një qeveri apatike që qeverisë me përralla e utopi, pa më të voglën ide se si të udhëhiqet përpara, me një qeveri që nuk po iu jep qytetarëve aspak shpresë për një perspektivë. Kemi inflacion të madh, nuk kemi rritje të pagave e pensioneve, nuk kemi sigurime shëndetësore, kurse ajo që është ëm shqetësuese është ikja e qytetarëve e të rinjve nga Kosova, sa që as në kohën e Millosheviqit nuk ka pasur kërkesa më shumë. Andaj, me aprovimin e këtij ligji, në këtë periudhë të rëndë ekonomike Kuvendi e kryen vetëm një obligim për qytetarët duke ua plotësuar kërkesën e tyre duke u bazuar në ligjin për tërheqjen e një pjese të pareve nga Trusti i tyre”.

“Duhet me çdokusht të jemi të ndërgjegjshëm dhe të i përgjigjemi kërkesave të mijëra qytetarëve, sic është kërkesa për paratë e Trustit. Kjo kërkesë është mbi çdo interes grupor partiak apo dicka tjetër”, tha Shabani. /Periskopi/