8 orë më parëDaçiq: Asociacioni parakusht për bisedimet rreth një zgjidhjeje mes Kosovës dhe Serbisë
Periskopi(3 vite më parë)
(3 vite më parë)Ministri i Punëve të Jashtme të Serbisë, Ivica Daçiq, tha se Asociacioni i Komunave me shumicë serbe është thelbi i Marrëveshjes së Brukselit dhe se nuk synohet të jetë një organizatë joqeveritare. Ai për Happy TV tha se Serbia do të insistojë në formimin e menjëhershëm të Asociacionit, si parakusht për bisedime për një plan […]
Ministri i Punëve të Jashtme të Serbisë, Ivica Daçiq, tha se Asociacioni i Komunave me shumicë serbe është thelbi i Marrëveshjes së Brukselit dhe se nuk synohet të jetë një organizatë joqeveritare.
Ai për Happy TV tha se Serbia do të insistojë në formimin e menjëhershëm të Asociacionit, si parakusht për bisedime për një plan apo propozim politik për zgjidhje ndërmjet Kosovës dhe Serbisë.
“Ajo që është e dukshme është se, pavarësisht nëse ka dallime ndërmjet vendeve individuale apo organizatave ndërkombëtare për sa i përket dialogut, tani ata kanë vepruar si një grup prej pesë vetash dhe kanë biseduar me presidentin e Serbisë”, tha shefi i diplomacies serbe.
Ai tha se sot do të diskutohet se çfarë do të ndodhte nëse Serbia nuk pajtohej me propozimin e propozuar dhe se presidenti i Serbisë, Aleksandar Vuçiq, ka mbështetjen e lidershipit shtetëror dhe qeverisë në Beograd.
