Alim Rama i VV-së largohet nga KQZ-ja

Anëtari i Komisionit Qendror të Zgjedhjeve nga radhët e Lëvizjes Vetëvendosjes, Alim Rama, është liruar nga detyra, me kërkesë të tij.

Këshilltari për media i Presidentes Vjosa Osmani, Bekim Kupina e ka konfirmuar për Periskopin se Rama është liruar nga detyra dhe do të bëhet zëvendësimi i tij.

“Presidentja është informuar lidhur me dorëheqjen e z.Alim Rama nga pozita e anëtarit në KQZ. Pas kësaj, Presidentja ka marrë vendim për lirim të tij nga detyra dhe në ditët në vijim, bazuar në afatet ligjore do të bëhet zëvendësimi i anëtarit në KQZ”, ka thënë Kupina për Periskopin.