The New York Times publikon përgjimet e ushtarëve rusë: Putin është i çmendur, kemi urdhër për të vrarë civilë

Në njërën prej tyre ndëgjohet një ushtar duke i thënë të dashurës së tij se ka ka marrë urdhëra për të “vrarë çdokënd që i del përpara”, teksa hetuesit e Kombeve të Bashkuara po hetojnë Rusinë për kryerjen e krimeve të luftës në Ukrainës.

Një ushtar rus në Kiev rrëfeu gjatë një bisede telefonike se komandanti i tij kishte urdhëruar ushtarët që të vrisnin civiliët ukrainas për të mos zbuluar lokacionin e tyre, e që është një krim lufte sipas ligjit ndërkombëtar, shkruan Yahoo.

Kjo thirrje ishte vetëm një nga shumë thirrjet telefonike të kryera në mars në mes të ushtarëve rusë- thirrje që janë përgjuar në rajonin Buça- një rrethinë e Kievit ku ishin masakruar civilët. Gazeta amerikane The New York Times i morri këto incizime, të cilat pastaj i verifikoi dhe i përktheu.

Thirrjet nxorrën në pah realitetin e zymtë me të cilin ushtarët rusë po përballeshin në javët e para të luftës në Ukrainë, luftë që filloi në fund të shkurtit. Raporti i The New York Times dokumentoi ushtarët teksa ata po i rrëfenin nënave dhe të dashurave të tyre disa prej mizorive që at kishin parë dhe që kishin marrë pjesë.

Gjatë një bisede me të dashurën e tij, një ushtar rus i identifikuar vetëm sipas emrit të tij, Sergey, tha se komandanti i tij kishte dhënë urdhër për dërgimin dhe ekzekutimin e civilëve ukrainas në male.

“Ata na thanë se përreth nesh ka shumë civilë dhe na urdhëruan të vrasim çdokënd që shohim”, tha Sergey, raporton The New York Times.

“Pse dreqin duhet të bëhet kjo?”, kishte pyetur e dashura e tij.

“Sepse ata mund t’i zbulojnë lokacionet tona. Kjo është ajo që duhet të bëjmë”, ishte shprehur Sergey. “Vritni të gjithë civilët që kalojnë pranë jush dhe dërgoni në male… Unë tashmë jam bërë një vrasës, prandaj nuk dua të vrasë më shumë njerëz, sidomos ata që më duhet t’i shikoj në sy”.

Sipas Gjykatës Ndërkombëtare, vrasja e civilëve është një krim lufte.

“Ne i kapëm ata dhe i zhveshëm dhe pasataj i kontrolluam rrobat e tyre dhe pastaj duhej të merrej një vendim nëse do të liroheshin”, tha Sergey. “Nëse i linim të lirë, ata mund të zbulonin vendndodhjen tonë… kështu që u vendos t’i vrisnim në pyll”.

Kur e dashura e tij e kishte pyetur se pse ata nuk po merreshin si të burgosur, Sergey ishte përgjigjur: “Ne do të duhej t’i ushqenim ata dhe ne nuk kishim ushqim të mjaftueshëm as për veten, kupton?”, ishte përgjigjur ushtari rus.

Në anën tjetër, presidenti amerikan, Joe Biden, kishte akuzuar më parë presidentin rus, Vladimir Putin, për kryerjen e gjenocidit në Ukrainë. /Periskopi/