6 orë më parëTrafik armësh drejt Kosovës, arrestohen gjashtë persona në Kukës
Periskopi(4 vite më parë)
(4 vite më parë)Gjashtë persona janë arrestuar nga Policia e Kukësit, pasi tentuan të trafikonin armë zjarri dhe municione luftarake drejt Kosovës. Në operacionin e shtrirë në 3 qarqe, Kukës, Durrës dhe Dibër, ranë në prangat e policisë: Rr. S., 28 vjeç, banues në Dibër; B. SH., 24 vjeç, banues në Bulqizë; B. N., 33 vjeç, banues në […]
Gjashtë persona janë arrestuar nga Policia e Kukësit, pasi tentuan të trafikonin armë zjarri dhe municione luftarake drejt Kosovës.
Në operacionin e shtrirë në 3 qarqe, Kukës, Durrës dhe Dibër, ranë në prangat e policisë: Rr. S., 28 vjeç, banues në Dibër; B. SH., 24 vjeç, banues në Bulqizë; B. N., 33 vjeç, banues në Durrës; U. H., 27 vjeç, banues në Dibër; H. H., 59 vjeç, banues në Durrës, dhe K. B., 61 vjeç, banues në Fushë-Krujë.
Të gjashtë personat u arrestuan në flagrancë në ambientet e jashtme të një pike karburanti, me 1 armë zjarri automatik, 1 armë zjarri pistoletë tip “Glock”, sasi municioni luftarak, si dhe me shuma prej 222.000 lekësh dhe 710 eurosh, të cilat u sekuestruan në cilësinë e provës materiale.
Vijojnë hetimet për identifikimin dhe vënien para përgjegjësisë ligjore të personave të tjerë të implikuar në veprimtarinë kriminale të trafikimit të armëve të zjarrit drejt Kosovës. /euronews/
