Rrahman Jasharaj lutë Qeverinë Kurti që të ulet me sindikatat pa ardhur 1 shtatori

“Nëse gjërat ndodhin kështu, dhe Qeveria vazhdon me barikadimin dhe qasjen e gabuar ndaj kërkesave tona, fatkeqësisht po them se greva do të fillojë më 25 gusht dhe do të vazhdojë gjeneralizimin e kërkesave nga çerdhet e deri në universitet. Pra grevë do të ketë edhe më 1 shtator e tutje, nëse qeveria ka këtë qasje”, ka thënë Jasharaj në Klan Kosova.

“Greva fillon më 25 gusht dhe do të vazhdojë, grevë do të ketë edhe më 1 shtator e tutje nëse qeveria vazhdon kështu”.

Jashari i bëri thirrje Qeverisë që të bisedojnë me sindikata, para datës 1 shtator, për të arritur një zgjidhje.

“Lus qeverinë Kurti që të ulet me sindikatat pa ardhur 1 shtatori, që të bëjmë një zgjidhje të pranueshme në mënyrë që kjo grevë të zgjasë sa më pak”, u shpreh ai.

Sa i përket deklaratës së ministres së Arsimit, Arbërie Nagavci, se më 1 shtator do të ketë mësim, Jasharaj tha se është “e çuditshme”.

“Deklarata se do të ketë mësim më 1 shtator është e çuditshme dhe po e dëgjoj për herë të parë në 20 vitet e fundit, edhe pse edhe në të kaluarën kemi bërë greva dhe nuk e di me kë do të fillojë mësimin zonja Nagavci, kur dihet se nga nesër punëtorët e arsimit do të jenë në grevë”, tha Jasharaj.