Putin jep urdhër që ushtrisë ruse t’i shtohen edhe 137 mijë ushtarë në vitin 2023

Rritja në numër, që pritet të hy në fuqi me 1 janar, do ta dërgonte në 1.15 milionë numrin e personelit ushtarak.

Dekreti i presidentit rus- i publikuar në faqen legjislative të qeverisë- nuk jep detaje se si do të arrihet ky numër.

Kremlini ka mohuar pretendimet e një mobilizimi të gjerë, duke thënë se vetëm vullnetarët me kontratë ushtarake mund të marrin pjesë në atë që e quan “operacion special ushtarak” në Ukrainë.

Moska nuk ka publikuar shifra rreth humbjeve që në javët e para të konfliktit, kur kishte thënë se 1.351 ushtarë ishin vrarë.

Në anën tjetër, Ukraina thotë se deri më tani ka vrarë 45 mijë trupa ruse që nga 24 shkurti, dita kur forcat e Vladimir Putinit pushtuan Ukrainën. /Periskopi/