Mbushen qelitë në pesë ditë: 117 persona të arrestuar në Kosovë, 78 prej tyre në mbajtje

Policia, përmes raporteve ditore ka ofruar statistika të të arrestuarve ku vetëm ditën e hënë, janë arrestuar 35 persona, të martën 21, të mërkurën 21, të enjten 28 dhe e premtja është përmbyllur me 12 persona të arrestuar.

Periskopi në fundjavën e kaluar ka raportuar për numrin e madh të rasteve të dhunës ndaj grave përgjatë një jave. Nga të dhënat e policisë, doli se ishin rreth 30 raste kur në rastet më të shpeshta, burrat shtruan presion psiqik apo edhe çuan dorë ndaj gjinisë femërore.

Në përmbajtjen e disa prej këtyre rasteve, si arsye të dhunës ndaj grave theksohen xhelozia dhe mosmarrëveshjet brenda familjes. Madje, në disa thuhet se ka pasë dhunë të vazhdueshme deri tek momenti i raportimit tek organet.

Sociologu Blerim Shabani, për Periskopin ka dhënë një analizë pse po shohim ende shumë raste kur mirëqenia e gruas po cenohet, qoftë në familje apo shoqëri.

Ai renditë arsyet ekonomike, papunësinë, gjendjen mendore, tradhtinë etj si shkaqe të mund të çojnë deri tek pika e dhunës.

‘’Faktorët janë të shumtë nga ata personal, familjar e komunitar. Dhuna në familje ndodh për arsye të kushteve ekonomike, papunësisë, varfërisë, gjendjes mendore të njërit çift apo si rezultat i përdorimit të substancave psiko aktive dhe konsumit të alkoolit. Faktorë tjerë janë aspekti i edukimit dhe dallimeve në pikpamje dallimet socio-kulturore për jetën dhe të ardhmen, faktorë tjetër janë tradhëtitë, niveli të larta të gjendjes stresuese. Dhuna ndaj në familje dhe me bazë gjinore është vepër penale dhe dënohet në bazë të dispozitave ligjore.’’, ka thënë Shabani./Kaltërina Misini – PERISKOPI/