Maloku: Eskobar kërkoi nga opozita garanci për mos përshkallëzim të situatës në veri

Maloku  tha se gjatë këtij takimi emisari amerikan ka kërkuar një garancë nga opozita se nuk do të përkrahë një përshkallëzim të situatës pas vendimit të Qeverisë për reciprocitet me Serbinë.

“Unë në këtë rrafsh pashë që Escobar ka kërkuar një garancë prej opozitës dhe besoj që fuqishëm për shkak se pas takimit me opozitën tha se jemi siguruar se opozita nuk do të jetë faktor destabilizues. Kjo ka qenë mbulim i një hapësire të prezantimit medial, them gjithkush e di që në Kosovë nuk ka qenë asnjëherë as agresive aq e ngjashme ndaj veprimeve të Kosovës, përkundrazi ka qenë e matur deri në impotencë sa i përket dhënies së mendimeve ose shpjegimeve se cila është çasja e tyree nëse janë kundër sidomos themelimit të Asociacionit”, shtoi ai në Tëvë 1 .

Tutje, sa i përket tensionimit të situatës, ai thotë se nga pushteti apo opozita e Kosovës nuk ka pasur asnjëherë teksa shton se është Serbia dhe lidershipi i saj ajo që po i mbajnë në tension opinionin publik se “mund të ndodhë diçka në veri të vendit”.

“Faktikisht tentim për konflikt nga pala e Kosovës qoftë nga opozita apo pozita siç nuk ka pasë asnjëherë në anën tjetër mediat në Serbi dhe pala serbe konkretisht Vuçiq është duke mbajtë në tension opinionin publik se mund të ndodhë diçka në veri të vendit. Pra i gjithë shtypi atje dhe politika ditore zyrtare e Beogradit sikur po provon të gjejë një paqe me veten duke e nxitë ose komuniku me gjuhën edhe kërcënuese edhe tentim për të prezentu se situata është e tensionuar ose mund të bëhet sidomos kur skadon afati i futjes së vendimit sa i përket legalizimit të veturave përmes kalimit nga ato ilegale të tabelave në këto të Kosovës”, tha ai.